Бут кийимиңизге беш сомдук тыйынды катып коюңуз. Экзамен алдында башыңызды жуубаңыз. Терезеден башты чыгарып, зачёттук китепти булгалап: “Бекер, кел!” деп кыйкырыңыз. Ар бир студент экзаменден жакшы баа алууга жардам берген ушундай стандарттуу эмес жолдорду атай алат.
Албетте, бардык мезгилдеги студенттердин салтына айланган бул элдик ыкмаларды эске албай коюуга болбойт. Бирок алар менен гана чектелбеңиз - сессиядан “эң жакшы” баалар менен өтүүнү каалаган студент үчүн бул жакшы идея эмес. Төмөндө сизге сынактарга ийгиликтүү даярданууга жардам бере турган кеңештерди табасыз.
Суроолорду жана маалыматтарды ырааттап алыңыз
Экзамендин же зачёттун бардык суроолорунун толук тизмесин карап чыгыңыз. Алардын ичинен бир эле темага тиешелүү болгондорун белгилеп алыңыз. Тема боюнча эң кеңири таралган суроого жоопту жаттап алыңыз - аны бир эле учурда бир нече суроолор үчүн колдоно аласыз.
Маалыматты жакшыраак жана тезирээк эстеп калуу үчүн аны визуалдык түрдө элестетүүгө аракет кылыңыз. Мисалы, ой картасы түрүндө (mind map). Эң негизгиси материалды жөн эле жаттап албастан, түшүнүү керек экендигин унутпаңыз.
"Үч күндүк кечил" болбоңуз
"Үч күн кечил" синдрому бир адам энтузиазм менен кандайдыр бир иш менен алектене баштап, аны аягына чейин чыгарбагандыгы менен мүнөздөлөт.
Студенттер бул синдромдун таасирине оңой эле түшүшөт: алар экзамендин бардык суроолорун кылдат менен жаттап башташат, бирок жарымына жете электе бул ишти таштап коюшат. Бул тузакка түшүп калбоо үчүн, өзүңүзгө так план түзүңүз, ар бир суроону жаттоо үчүн белгилүү бир убакыт бөлүңүз, жуманын күндөрү боюнча окуу тапшырмаларын бөлүштүрүңүз.
Окуу графигиңизден тайбаңыз, сессияны ийгиликтүү тапшыруунун негизги компоненттеринин бири - тартип экенин унутпаңыз.
Бирок күн ичинде тыныгуу керектигин да унутпаңыз, антпесе даярдануу процесси тескери иш-аракетке айланып кетет.
Эске тутуунун оптималдуу жолун тандаңыз
Кимдир бирөөнүн визуалдык эс тутуму жакшы өрчүгөн - мындай адамдарга текстти кайра айтып берүү үчүн аны бир-эки жолу окуу жетиштүү. Кээ бир адамдар маалыматты угуу менен жакшыраак кабыл алышат. Ал эми кимдир бирөөгө бир нерсени эстеп калуу үчүн, аны жазып алуу керек.
Сизди сизден башка эч ким жакшы билбейт. Маалыматты эстөөнүн кайсы жолу сиз үчүн жагымдуу болорун ойлонуп көрүңүз. Муну аныктагандан кийин, сиз эмне кылуу керектигин түшүнөсүз - окуу материалын окуу (тез окуунун техникасын үйрөнө аласыз - бул үчүн көптөгөн мобилдик тиркемелер бар), экзамендин суроолоруна жоопторду жазыңыз же аудио китептерин угуңуз (эгер кээ бир предметтерден мындайды таба албасаңыз - керектүү маалыматты диктофонго жазыңыз).
Экзамендерге даярдануу убагында социалдык тармактарга кирбеңиз. Бул беш минута оңой эле эки саатка айланган азгырык. Бирок, эгер сиз интернет тармагынан окууңузга пайдалуу боло турган маалымат тапкыңыз келсе, бул тыюу салууну алып салса болот. Сизге керектүү болгон окуу дисциплинасына арналган билим берүүчү YouTube каналдарына жана “Контактта” тематикалык топторуна көңүл буруңуз.
"Жамааттык акылды" колдонуңуз
Экзамендерге жалгыз эмес, курсташтар менен бирге даярданыңыз. Бул натыйжалуураак жана кызыктуураак. Даярдануу процессин оюнга айлантыңыз - экзамендин суроолору бар карталарды даярдаңыз, анан карталардын бирин болжоп алып, суроого жооп бериңиз. Бул экзамендик репетиция болот, анын жүрүшүндө сиз жана сиздин курсташтарыңыз окуу маалыматы менен бөлүшүп, бири-бириңиздердин жоопторуңуздарын толуктай аласыз.
Керектүү минимум менен чектелбеңиз
Ар бир мугалим эгер сиз анын лекцияларын айтып берип жатып жообуңузга кызыктуу фактыларды же теориялар түрүндө кошумча маалыматтарды кошуп, маселенин темасы боюнча изилдөө жүргүзгөн белгилүү инсандарды атап өтсөңүз ыраазы болот. Бул экзамен алып жаткан адамга сиз текстти жөн гана “белги” үчүн жаттап албай, чындап эле предметке кызыккандыгыңызды көрсөтөт.
Туура тамактаныңыз
Мээнин иштешин активдештирүүчү кээ бир азыктар бар. Мисалы, брокколи, жаңгак, шпинат, сулу жана башкалар .Аларды рационуңузга ойлонбостон киргизиңиз.
Андан тышкары, сиз ой жүгүртүү процесстерин тездетип, эс тутумуңузду жакшыртуучу жана сиздин акыл эстик жөндөмдүүлүгүңүздү натыйжалуу тездетүүчү дары каражатын тандай аласыз. Мындай дары каражаты “Милдронат® 250 мг капсулалары” болушу мүмкүн (колдонуудан мурун нускамасын окуп чыгыңыз жана/же адиске кайрылыңыз).
Экзаменге жакшы маанай менен барууну унутпаңыз
Алдыда позитивге көңүлдөнгөн студенттерди көрүү ар дайым жагымдуу. Өзүңдү жылмайуу менен куралдандырып, мен бардыгын жеңе алам деп кайталаңыз!
Сизге сессияны ийгиликтүү тапшырууну каалайбыз!
